दोलखा चेम्बर अफ कमर्सको अध्यक्षमा रुद्रजङ बुढाथोकी निर्वाचित हुनुभएको छ । कमर्स दोलखो छैटौ वार्षिक साधारण सभा तथा तेस्रो अधिवेशनले बुढाथोकीको अध्यक्षतामा १६ सदस्यीय नयाँ सञ्चालक समिति गठन गरेको हो ।

समितिको वरिष्ठ उपाध्यक्षमा पुरुषोतम ठकुरी,प्रथम उपाध्यक्षमा राजकुमार खड्का,द्वितीय उपाध्यक्षमा लिला बहादुर केसी,महासचिवमा रामकृष्ण श्रेष्ठ,सचिवमा कृष्ण नेपाली,कोषाध्यक्ष भरत बस्नेत, सहकोषाध्यक्षमा पवित्रा केसी चयन हुनु भएको छ भने सदस्यहरुमा नवराज खतिवडा,कुमार कार्की, विनोद जिरेल, सिर्जना कुसुले,सागर प्रधान,सुमीना श्रेष्ठ, रोशन श्रेष्ठ र भिषा श्रेष्ठ चयन हुनु भएको छ ।

नेपाल चेम्बर अफ कर्मसका अध्यक्ष कमलेश कुमार अग्रवालको प्रमुख आतिथ्यतामा भएको कार्यक्रममा सचिव रामकृष्ण श्रेष्ठले वार्षिक प्रतिवेदन प्रस्तुत गर्नु भएको थियो भने कोषाध्यक्ष राजकुमार खड्काले ५ लाख ३३ हजार ७ सय ७४ रुपैयाँ ५४ पैसा बराबर आर्थिक प्रतिवेदन प्रस्तुत गर्नु भएको थियो । साधारण सभाको अवसरमा रेडियो शैलुङ सामुदायिक एफएम,कालिञ्चोक एफएमका प्रल्हाद आचार्य लगायत विभिन्न संघसंस्थालाई सम्मान गरिएको छ । संस्थामा हाल १ सय ९९ जना सस्यहरु रहेका सस्थाले जनाएको छ ।