गौरीशङ्कर बालगृह दोलखाका  बालकहरु करिब ९ वर्षदेखि जोखिमयुक्त घरमा बस्न बाध्य भएका छन् ।
सदरमुकाम चरिकोट नजिकै रहेको गौरीशंकर बालगृहका १७ जना बालकहरु भुकम्पले चर्किएका जोखिमयुक्त घरमा बस्न बाध्य बनेका हुन्।
भुकम्पले चिराचिरा परेका भवनका छतबाट सित चुहिएर रातभरी अनिदो बस्नुपरेको उनीहरुको गुुनासो छ । रोल्पा, जाजरकोट, हुम्ला र दोलखाका ६वर्षदेखि १७ वर्षसम्मका बालकहरु बस्दै आएका बालगृहमा न त वरिपरी कम्पाउण्ड छ न त बस्ने सुरक्षित घर नै छ। भुकम्पले चिरा परेका प्वालहरुबाट सर्प समेत आउने गरेको बालकहरु बताउँँछन ।

२०५३ सालमा नेदरल्याण्डस सरकारले जोखिममा परेका बालबालिकाको पालनपोषण र शिक्षाको लागि बालगृह निर्माण गरिदिएको थियो ।
नेपाल बाल संगठले यसको जिम्मेवारी लिएपनि भवन मर्मतको लागि चासो नदिँदा बालकहरु जोखिमयुक्त घरमा बस्न बाध्य भएको बालसंगठन दोलखाका उपसभापति रामकृष्ण थापाले बताउनुुभयो ।
२९ रोपनीमा फैलिएको बालगृहका ५ वटा भवन २०७२ सालको भुकम्पले जिर्ण बनाएको कर्मचारीहरुको भनाई छ ।
खान तथा अन्य सुविधाको राम्रै व्यवस्था भएपनि जिर्ण भवनका कारण साना÷ साना पराकम्पनमा पनि त्रसित हुनुपरेको बालकहरुको दुखेसो छ ।