दोलखाको कालिञ्चोक गाउँपालिकामा गठन भएको सहकारी सञ्जालले प्रधानमन्त्री दैवीप्रकोष उद्धार कोषमा २ लाख ६ हजार ५ सय ४६ रुपैँयाँको रकम प्रदान गरेको छ ।
सहकारी सञ्जालले प्रधानमन्त्री दैवीप्रकोप उद्धार कोषमा जम्मा हुने गरी दोलखाका प्रमुख जिल्ला अधिकारी शिवराम गेलाल मार्फत गत असोज ११ र १२ गतेको अविरल वर्षाका कारण घरबार विहीन र बाढी पीडितहरुको पुनस्थापनाको लागि सहयोग स्वरुप २ लाख ६ हजार ५ सय ४६ रुपैँयाँको चेक हस्तान्तरण गरिएको सहकारी संञ्जाल कालिञ्चोकका अध्यक्ष प्रेमलाल शिवाकोटीले जानकारी दिनु भयो । अध्यक्ष शिवाकोटीका अनुसार पालिकामा रहेका सहकारी मध्ये आनन्ददायक सहकारीबाट ८६ हजार २ सय रुपैयाँ, शिव शक्ति बचत तथा ऋण सहकारीबाट ३६ हजार ७ सय रुपैयाँ, कालिनाग बचत तथा ऋण सहकारीबाट ३४ हजार ५ सय ४५ रुपैयाँ, निलकमल कृषि सहकारीबाट २० हजार रुपैयाँ, गुमु हिलेपानी बहुदेश्यीय सहकारीबाट १० हजार १ सय १ रुपैयाँ, जनता बचत तथा ऋण सहकारीबाट ९ हजार ७ सय रुपैयाँ,चमत्कार कृषि सहकारीबाट ५ हजार ३ सय रुपैयाँ र जनचाहाना सहकारी संस्थाबाट प्राप्त ४ हजार रुपैयाँ हस्तान्तरण गरिएको हो ।
सहकारी सञ्जाल कालिञ्चोकको आहवानमा कालिञ्चोक गाउँपालिका भित्र सञ्चालित सहकारीका शेयर सदस्यहरुले प्राप्त गरेको व्याजबाट प्राप्त भएको रकम कोषमा जम्मा हुनेगरी संञ्जालका प्रदाधिकारीले प्रमुख जिल्ला अधिकारी गेलाल मार्फत कोषमा रकम हस्तान्तरण गरिएको हो ।