पर्यटकीय गन्तव्यको रूपमा विकास हुँदै गएको दोलखा शैलङुको मिनी ग्रेटवाल घुम्न जानेको
संख्या वृद्धि हुँदै गएको छ।
शैलुङमा निर्माण गरिएको शैलुङ मिनी ग्रेटवाल पछिल्लो समय पर्यटक रोजाइमा पर्न थालेको हो
।
धार्मिक तथा पर्यटकीय स्थल शैलुङमा ग्रेटवाल हेर्नकै लागी पनि पर्यटकहरु पुग्ने गरेको होटल
व्यवसायीको भनाई छ ।
प्राकृतिक दृश्यावलोकन र सुन्दरताका कारण ग्रेटवाल अहिले पर्यटकका लागि आकर्षणको केन्द्र
बनेको छ। ग्रेटवाल हेर्न र शैलुङमा ध्यान, अध्ययन, अनुसन्धान तथा अवलोकन गर्न विदेशी
पर्यटकको संख्यामा पनि वृद्धि भएको गाउपालिकाले जनाएको छ ।
गौरीशङ्कर हिमश्रङ्खला लगायत थुप्रै हिमश्रृङ्खलाहरु देखिने शैलुङको बारेमा सामाजिक
सञ्जालमा चर्चा धेरै भएकाले घुम्न आएको पर्यटकहरुको भनाई छ ।
पछिल्लो समय विशेषगरी शुक्रवार र शनिवार हजारौ पर्यटक शैलुङ पुग्ने गरेको स्थानीयको भनाइ
छ ।
३ हजार १ सय ४८ मिटरको उँचाईमा रहेको शैलुङको सयवटा थुम्कामा ऋषीहरुले तपस्या
गरेको किंवदन्ती समेत रहेको छ । कालापानी देखि करिब ३०र३५ मिनेटको उकालो चढे पछि
देखिने यस क्षेत्रका ससाना थुम्कासँगै डाँडाकाँडा बाट देखिने सुन्दर मनमोहक दृश्यले लोभाएको
पर्यटकहरुको बताउछन ।
विगतको तुलनामा सैलुङ क्षेत्रमा पर्यटकको आगमन बढेको र स्थानीयहरुको जीविकोपार्जनका
लागि पर्यटन क्षेत्र महत्वपूर्ण बन्दै गएको स्थानीयको भनाइृ छ ।